من ده بیر بولبولودوم چوخ وارایدی گول هوسیم
گولون عشقینده چاتاردی منیم افلاكه سسیم
بس كی فریاد ائله ییب عشقیمی اظهار ائله دیم
لیك گوللرده وفا گؤرمه دیم، اؤلدو هوسیم
چیغیریب سالدیم هارای، دادیما بلكه یئته لر
نه سسه سس وئرن اولدو، نه ده فریاد رسیم
ائله دیم بسكی فغان، خسته دوشركن یورغون
ایندی ده واردی هله، تنگه دوشوبدور نفسیم
او بوداقلارداكی آزاد، اوخویاردیم گول اوچون
نه بیلئیدیم اولاجاقدیر منیم آخر قفسیم
بولبوله ناله دی قسمت، گوله گولمك، نه دئییم
بو نصیبه، بو پایا قسمته كیم اولدو قسیم
دولاناردیم باشینا اؤز گولومون، تیترردیم
اسمه سین، راضی اولاردیم یئل اسنده من اسیم
ییغیشیب سینه مه غملر قالانیب بیر داغ اولوب
عؤمرومون آخیری بو غم شله سی بسدی، بسیم
دولدو پرونده عشقیم غم ایله باغلاندی
چوخ شكایت ائله دیم اولمادی بیر دادرسیم
ایندی من سانكی قوشام كنج قفسده، سیخیلیب
نه قاناد واردی اوچام، وار نه یووام كی تلسیم
منی ده بو قفسه سالدیرانیم اولدو هوس
اودو فریاد ائدریم آی سنه لعنت هوسیم
یالقیزام، یوخدو اوره كدن گر اؤلم آغلایانیم
عالم عشقده تك جان وئره رم یوخدو كسیم
درباره این سایت